Kev pov npav ib txwm hais:
“Cov menyuam txheej no yog cov neeg pov npav tag kis!”
Kids Voting yog ib lub koom haum tsis tau nyiaj, tsis zwm rau ib pab neeg uas tau tsim los qhuab qhia me tub me nyuam txog kev tseem ceeb ntawm txoj kev pov npav nyob teb chaws Mis kas. Khoos kas lub hom phiaj yog los txhawb txhim cov neeg laus pov npav tej suab pov npav uas yog muab hloov mus ua hauj lwm rau tsev neeg tau raus tes ua. Thawj lub khoos kas Kids Voting tsim muaj nyob rau Arizona rau xyoo 1988. St.Paul ces Kids Voting tau pib rau thaum kev pov npav rau thawj pwm tsav xyoo 2000. Kids Voting St.Paul yog ib lub ntawm 10,600 lub khoos kas Kids Voting hauv tsev kawm ntawv thoob plaws hauv teb chaws.
“Kev ua dua los yog tus xib hwb zoo tshaj plaws!”
Khoos kas Kids Voting ua kom cov tub kawm ntawv hauv cov tsev kawm ntawv luam, tsev kawm ntawv charter, thiab tsev kawm ntawv ntiav muaj siab rau tus txheej txheem pov npav rau hauv chav kawm nrog rau tej hauj lwm nqis tes ua. Tsev kawm ntawv yuav qhia tub kawm txij qib kindergarten txog qib 12 txog qhov tseem ceeb thiab tus txheej txheem rais ua tus neeg pov npav paub tab.
Nyob rau hnub pov npav, kev tawm suab yuav rais ua ib qho kev xyaum rau tsev neeg uas tub kawm coj lawv cov niam-txiv nrog lawv mus tim lub rooj pov npav thiab pov lawv daim npav raws nkaus li tej laus pov. Menyuam yuav xub xub kawm tau kev nqis tes pov npav. Lawv tseem yuav pom qhov kev zoo ntawm lawv txoj kev pov npav uas yuav muab lawv cov suab pov npav tshaj tawm rau tej chaw tshaj xov xwm thiab yuav tso tawm rau hauv Kids Voting St.Paul qhov sab txuas xov (Website).
Kev tshuaj xwm pom tau tias tej thaj tsam muaj qhov khoos kas Kids Voting ua rau cov neeg laus tuaj pov npav nce ntau txog li ntawm peb mus rau tsib feem pua.
“Pov npav kom muaj kev koom tes!”
Nej tej kev koom tes tseem ceeb heev rau kev pab St.Paul tej tub-ntxhais kawm ntawv kawm txog kev pov npav rau hauv lub khoos kas Kids Voting. Pab cev tes tuaj txhawb! Kids Voting xav tau:
- Neeg pab tuaj khiav dej num thiab leg koob xwm rau Kids Voting lub chaw pov npav tim 104 St.Paul chaw pov npav
- Neeg tawm dag zog tuaj pab xa thiab suav cov npav rau hnub pov npav
- Neeg ua tswv pab rau zej tsoom tej kev koom txoos
- Nyiaj txiag tuaj pab
- Kev pab txhawb xws li kev luam ntawv, npaj chaw tshaj xwm, thiab zaub-mov rau tej koom txoos.
Xav pab dag zog los sis pab kev txhawb nqa lwm yam rau Kids Voting St.Paul, hu rau: 651-292-9085
Xav paub ntau dua:
Xav paub ntau txog Kids Voting St.Paul los? Mus tshawb saib peb qhov website los
- nyeem txog peb zaj lus cog rau lub luag hauj lwm thiab peb lub hom phiaj
- Ntsuam xyuas tej piv txwv ntawm peb tej phiaj kawm
- Kawm txog kev pab dag zog thiab cib fib ua tswv cuab pab txhawb
- Mus tshawb xyuas lwm lub koom haum tej lus hais txog peb tus txheej txheem pov npav
- Taij mus xyuas txog kev niaj txhis pov npav
- Nug txog peb
Ua Tsaug!
Kid Voting St.Paul thov ua zeej tsoom cov tub feem koom tsaug rau lawv tej dej siab qhib dav rhawv los pab txhawb nqa. Cov npe nod yog cov tam sis no txog Yim Hli tim 20.
Saint Paul Pioneer Press
City of Saint Paul
3M
Wells Fargo
The Spectrum Trust
Support Our Schools
Ramsey County
U.S. Trust
Western State Bank
Saint Paul Federation of Teachers
Minnesota Wire and Cable
Saint Paul Public Schools
United Way
